Difiniloj estas vortetoj, kiujn oni metas antaŭ O-vorta frazparto por difini la identecon de la afero. La plej grava difinilo estas la difina artikolo la. Aliaj difiniloj estas tabelvortoj je U, A kaj ES, posedaj pronomoj, ambaŭ, kaj unu. Vidu interalie "Aliaj difiniloj". Normale oni ne uzas samtempe pli ol unu difinilon antaŭ frazparto, sed vidu tamen "Pli ol unu difinilo".