Normalaj priskriboj estas rektaj. Rekta priskribo estas parto de la sama frazparto kiel la priskribata ĉefvorto. Pri rektaj priskriboj vidu ekz. "Frazpartoj".
Sed priskribo povas ankaŭ esti ligita al la priskribata afero pere de verbo. Perverbe priskribata afero estas normale la subjekto de la frazo, sed povas ankaŭ esti la objekto. Perverba priskribo ne havas la rolfinaĵon N, kaj nur en kelkaj okazoj aperas rolvorteto antaŭ perverba priskribo.