"Sub". Prefikso en iaj teknikaj vortoj, por kiuj ekzistas responda internacia vorto kun "infra": sono -> infrasono = "sono tiel malaltfrekvenca, ke ĝi estas neaŭdebla", strukturo -> infrastrukturo = "subtena strukturo de organizo aŭ socio", ruĝa -> infraruĝa = "transruĝa". Normale oni uzu sub: subsono, substrukturo. Anstataŭ infraruĝa oni diru transruĝa. Sed INFRA povus esti utila en faka lingvaĵo. Komparu kun ULTRA.