Mikaelo Ternavski

iam diris ĉarma sorĉistin'
ke laŭ signoj de kiromancio
mi mortigos min, ho mia Dio
kore dankas mi pro la destin'

timis mi, ke ie en ravin'
aŭ do vojaĝante tra Svedio –
mortos mi subite... kara Dio
la ulino trankviligis min

nun mi certe iras al la cel'
gaje flugas super mi vanel'
pravas vi, l' decido bonas via

mi naskiĝis sen konsento mia
tamen do mi mortos ĉe kondiĉo
kiam mem deziros, ho feliĉo!



20-maj-1998